![](https://www.hellochitwanonline.com/wp-content/uploads/2024/08/WhatsApp-Image-2024-07-26-at-14.54.58_adbbdc7d.jpg)
वैशाख १५, भरतपुर । पत्रकारहरूमाथि प्रहरीले गरेको दुव्र्यवहारप्रति पत्रकार महासंघ चितवन, प्रेस युनियन चितवन र प्रेस संगठन चितवनले संयुक्त रूपमा विज्ञप्ती निकाल्दै उक्त कार्यको भत्र्सना गरेका छन् । समाचार संकलनमा खटिएका कायाकैरन दैनिकका सम्पादक विनोदबाबु रिजाल र पत्रकार अर्जुन अधिकारीलाई प्रहरीले आज बिहान भरतपुरको चौबिसकोठीमा दुव्र्यवहार गरेको थियो । रिजाल र अधिकारीले आफूहरू पत्रकार भएको भनेर परिचय दिँदा समेत प्रहरीहरूले अपशब्द प्रयोग गरी उनीहरूले प्रयोग गर्दै आएको सवारीसाधन पनि नियन्त्रणमा लिएका थिए । नियन्त्रणमा लिइएका सवारीसाधनलाई जिल्ला प्रहरी कार्यालयमा राखेर पत्रकारद्वय रिजाल र अधिकारीलाई कभर्डहलस्थित क्वारेन्टाइनमा लगिएको थियो ।
सोहीक्रममा प्रहरीहरूले प्रत्रकारका समाचार संकलनका साधन समेत नियन्त्रणमा लिएर खिचिएका तस्बिर डिलिट गर्न लगाएको विज्ञप्तीमा उल्लेख छ । पत्रकार महासंघ चितवन, प्रेस युनियन चितवन र प्रेस संगठन चितवनले दुव्र्यवहार गर्ने प्रहरीलाई कारवाही गर्न तथा सवारीसाधन र सञ्चारको साधन खोस्ने क्रममा भएको क्षतिको समेत क्षतिपूर्ति दिन माग गरेका छन् । कोरोना भाइरसको महामारीमा पत्रकारहरूले अग्रपंक्तिमा रहेर काम गर्नुपर्ने हुनाले पत्रकारको सवालमा संवेदनशील रहन र स्वतन्त्रतापूर्वक काम गर्ने वातावरण बनाउन पनि उनीहरूले स्थानीय प्रशासनसँग माग गरेका छन् ।
याशासी मिडिया हाउस प्रा.लि.
भरतपुर - १० चितवन ,नेपाल
ईमेल: [email protected]
कार्यालय फोन- +९७७-५६-६९५२५४, ९८४५०५५३६५
सूचना तथा प्रसारण बिभाग दर्ता नं. ३२३४-२०७८/७९
प्रतिक्रिया दिनुहोस