![](https://www.hellochitwanonline.com/wp-content/uploads/2024/08/WhatsApp-Image-2024-07-26-at-14.54.58_adbbdc7d.jpg)
धादिङ: धुनीवेनी नगरपालिका–८ स्थित बाहुनडाँडामा स्वचालित बधशाला सञ्चालनमा ल्याइने भएको छ । गुणस्तरीय तथा स्वस्थकर मासु उत्पादन तथा विक्रि वितरण गर्ने उद्देश्यले ६५ करोड रुपैयाँ लगानीमा नुवाकोटका केशवराज थापाले बधशाला सञ्चालनमा ल्याउन लागेका हुन् ।
केवी एग्रो एण्ड रिर्सच प्रालिद्वारा सञ्चालनमा ल्याउन लागिएको बधशालाको तयारी अन्तिम चरणमा पुगेको सञ्चालक केशवराज थापाले बताउनुभयो । बधशालामा दैनिक ३२ हजार दुई सय ४० कुखुरा बध गर्न सकिने छन् । ‘प्रतिघण्टा २ हजार ३० कुखुरा बध गर्न सकिन्छ ।
बधशालामा जिउँदो २० हजार कुखुरा राख्न सकिन्छ भने तयारी कुखुरा पाँच लाख केजी भण्डारण गर्न सकिन्छ । बधशाला यूरो मापदण्ड अनुसार सञ्चालन हुनेछ । खेर जाने हड्डी, रगत लगायतबाट कुखुराकै लागि दानामा प्रयोग गरिने प्रोटिन बनाइन्छ’, उहाँले भन्नुभयो ।
बधशालामा प्रयोग गरिएका मेसिनहरु टर्की, जर्मनी, इटाली, होल्याण्ड, पोल्याण्ड लगायतका देशहरुबाट ल्याइएका छन् । बधशाला निर्माणाधीन चरणमा छ । निकट भविष्यमै काम शुरु गर्ने योजना रहेको थापाले बताउनुभयो ।
‘बध गर्न ल्याइएका कुखुराको स्वास्थ्य परिक्षण गरिन्छ । कुखुराहरु स्वस्थकर छन् भने मात्रै बध गर्न सिफारिस हुन्छन् । योग्य नभए कुखुराहरु फिर्ता गरिन्छ । कुखुराको स्वास्थ्य परिक्षण पछि गाडीसहित तौल गरेर बध गर्न पठाइन्छ । बधशालामा उत्पादन भएका मासुका परिकार गुणस्तरीय हुन्छ,’ उहाँले भन्नुभयो- ‘यसरी बध गरिएको मासुहरु काठमाण्डौ र आसपासका शहरहरुमा विक्रि गर्ने योजना छ । यस किसिमको बधशाला नेपालमा यो पहिलो हो ।’
‘यस बधशालामा तीन सय मानिसहरुले रोजगारी पाउने छन् । दक्ष प्राविधिक १० प्रतिशत र अन्य ९० प्रतिशतलाई रोजगारी दिइनेछ’, उनले भने– ‘बधशालाको लागि वार्षिक ६० लाख कुखुरा आवश्यक पर्छ । धादिङका किसानले मात्र त्यो माग थेग्न सक्दैनन् ।
धादिङ, नुवाकोट, काठमाण्डौ, सिन्धुपाल्चाोक, काभ्रेपलाञ्चोक, गोरखा, चितवन लगायतका जिल्लाहरुबाट कुखुरा आयात गर्छौं । प्रत्यक्ष रुपमा तीन सय जनाले रोजगारी पाएपनि अप्रत्यक्ष रुपमा २० हजार किसानले पनि रोजगारी पाउँछन् ।
याशासी मिडिया हाउस प्रा.लि.
भरतपुर - १० चितवन ,नेपाल
ईमेल: [email protected]
कार्यालय फोन- +९७७-५६-६९५२५४, ९८४५०५५३६५
सूचना तथा प्रसारण बिभाग दर्ता नं. ३२३४-२०७८/७९
प्रतिक्रिया दिनुहोस