![](https://www.hellochitwanonline.com/wp-content/uploads/2024/08/WhatsApp-Image-2024-07-26-at-14.54.58_adbbdc7d.jpg)
चितवनमा यस्तोपनि नगरपालिका छ जहाँका मेयर जनताको करको पैसाले गाडी चढेर हिड़छन्, नगरबासी ८ कक्षा पास स्वास्थ्य चौकीकै कार्यालय सहायक लाई डाक्टर मानेर सेबा लिन बाध्य हुन्छन् ।
साउन चितवन । चितवन मा यस्तो पनि नगरपालिका छ जहाका मेयर जनताको करको पैसाले गाडी चढेर हिड़छन्। त्यहाका नगरबासी ८ कक्षा पास स्वास्थ्य चौकीकै कार्यालय सहायक लाई डाक्टर मानेर आफ्ना स्वास्थ्य समस्या सुनाउने र सेवाग्राहीका कुरा सुनेको आधारमा स्वास्थ्य चौकीकै कार्यालय सहायकले बिरामी जाँच्थे। यो देखेर दुर्गम भनेर चिनिने ठाउकोत के कुरा गर्नु ।
चितवनको राप्ती नगरपालिका–१२ स्थित यौरालीटारमा लोथर स्वास्थ्य चौकी छ। जहाँ बिरामी त्यति नजाने भएकाले सुनसान प्रायः हुन्छ। तर, त्यही स्वास्थ्य चौकीबाट सय मिटर दूरीमा रहेको मेडिकलमा जँचाउन भने पालो पर्खिनुपर्छ।
उक्त मेडिकलमा सधै जसो एक जना व्यक्ति स्टेस्थोस्कोप लिएर बिरामी जाँचिरहेका हुन्छन्। र त्यो दिन उनी बिरामी जाच्दै भनिरहेका थिए तपाइको सानो समस्या छ यहाँसम्म पानी हालेर हल्लाएर खुवाउनु ठीक हुन्छ।’
तामाङले बिरामी जाँच्ने मात्रै होइन, औषधि पनि दिने रहेछन्। यसबारे उनले भने, ‘पढाइ त ८ कक्षा हो तर मैले २०५१ सालदेखि स्वास्थ्य चौकीमा काम गरेँ। त्यहाँका सरहरूले सिकाएको र अनुभब को आधारमा बिरामी जाँच्न जानेको हुँ। मैले जाँचेर धेरैलाई ठीक बनाएको छु।’
स्वास्थ्य चौकीमा लामो समय काम गरेको आधारमा आफूलाई अनुभव भएको उनले बताए। निमोनिया, रुघाखोकी, ज्वरोका बिरामी निको पार्ने गरेको उनको भनाइ छ। यो समाचार अन्नपूर्ण पोस्टमा छ ।
‘रुघाखोकी, ज्वरो, निमोनिया, पखालाको उपचार मैले गर्छु। यो बाहेकका बिरामीलाई मैले सकिनँ भने सरलाई बोलाउने अनि उहाँहरूले रिफर गर्दिनुहुन्छ’, उनले भने, ‘हामी पालैपालो आएर चलाउँछौं। अहिले स्वास्थ्य चौकीमा दुई जना मात्रै भएकाले मलाई पठाउनुभएको हो।’
खासमा तामाङको काम बिहान स्वास्थ्यचौकी खोल्ने, सरसफाइ गर्ने र पानी भर्ने हो। त्यसपछि अर्को ड्युटी रहेछ, मेडिकलमा गएर बिरामी जाँच्ने। स्वास्थ्य चौकीकै कर्मचारीले उनलाई त्यता पठाउँदा रहेछन्। मेडिकलमा बिरामी आएको खबर आउनासाथ उनी दौडिहाल्छन्। तर जँचाउन पुग्नेहरूलाई उनी डाक्टर हुन् कि पियन भन्ने थाहा हुँदैन। तामाङले बिरामीसँग सोधपुछ गरेर अनुमानका भरमा औषधि दिन्छन्।
याशासी मिडिया हाउस प्रा.लि.
भरतपुर - १० चितवन ,नेपाल
ईमेल: [email protected]
कार्यालय फोन- +९७७-५६-६९५२५४, ९८४५०५५३६५
सूचना तथा प्रसारण बिभाग दर्ता नं. ३२३४-२०७८/७९
प्रतिक्रिया दिनुहोस