![](https://www.hellochitwanonline.com/wp-content/uploads/2024/08/WhatsApp-Image-2024-07-26-at-14.54.58_adbbdc7d.jpg)
भदौं, चितवन । चितवन, भरतपुरका १६ जना सहित चितवनमा थप ३३ जनामा कोरोना भाइरस संक्रमण पुष्टि भएको छ । भरतपुर अस्पताल कोभिड–१९ प्रयोगशालामा शुक्रबार गरिएको परीक्षणमा चितवनको भरतपुर, रत्ननगर र राप्तीका गरी २० जना र पूर्वी नवलपरासी, मकवानपुर, बारा, रौतहट, पर्सा, र मकवानपुरका गरी १३ जनामा कोरोना संक्रमण पुष्टि भएको प्रयोगशालाकी प्रमुख डा.नितु अधिकारीले जानकारी दिइन् ।
भरतपुरका १६ जनाको भरतपुर अस्पताल र भरतपुर सामुदायिक हस्पिटलबाट स्वाब लिईएको थियो। भरतपुर- २, ७, १० र ११ नम्बर वडाका ती संक्रमितहरु ३ वर्षीया बालिकादेखि ७८ वर्षीय वृद्धसम्मका छन् । यस्तै रत्ननगर नगरपालिकाका ५० वर्षीय पुरुष, राप्ती नगरपालिका-२, ८ का ३५, ५५ वर्षीय पुरुष र २६ वर्षीयामा पनि कोरोना संक्रमण पुष्टि भएको छ । उनीहरु चितवन मेडिकल कलेजको क्वारेन्टिनमा छन् ।
यसैगरी पूर्वी नवलपरासी, मकवानपुर, बारा, पर्सा र रौतहटका गरी ६ पुरुष र २ महिलासहित ८ जनामा कोरोना संक्रमण पुष्टि भएको छ । उनीहरुको भरतपुर अस्पताल र चितवन मेडिकल कलेजबाट स्वाब लिईएको हो । यस्तै बाँकेको नेपालगञ्जका ५ जना पुरुषमा पनि संक्रमण पुष्टि भएको छ । ३५ देखि ४० वर्षीय संक्रमित पुरुषहरुको बागेश्वरी ल्यावबाट स्वाब लिइएको हो ।चितवनमा शुक्रबार राति कुल २७० वटा नमुनाको परीक्षण गरिएको थियो ।
चितवनको पुरानो मेडिकल कलेजमा विहीवार राति उपचारका क्रममा मृत्यु भएका हेटौंडाका वृद्धमा कोरोना संक्रमण पुष्टि भएको छ ।
हेटौंडाका ७५ वर्षीय एक वृद्ध निमोनिया पछि उपचारका लागी पुरानो मेडिकल कलेजमा भर्ना भएका थिए । उपचारका लागी आए पश्चात उनमा कोरोना भए नभएको परीक्षणका लागी स्वाब संकलन गरिएको थियो । गएको भदौ ३ गते (बुधबार) भर्ना भएका उनको बिहिबार राति उपचारको क्रममा मृत्यु भएको थियो ।
यसैगरी उनको स्वाब कोरोना परीक्षणका लागी केही दिन अघि मात्रै अनुमति पाएर सेवा सुरु गरेको चितवन मेडिकल कलेजमा परीक्षणका लागि पठाइएको थियो । स्वाब परीक्षण गर्दा उनमा पोजेटिभ देखिएको हो । उनको कोरोना रिपोर्टलाई भरतपुर अस्पताल कोरोना परीक्षण प्रयोगशालाले समेत भेरिफिकेसन गरेको छ । उनको शव अहिले भरतपुर अस्पतालको शव गृहमा राखिएको छ ।
याशासी मिडिया हाउस प्रा.लि.
भरतपुर - १० चितवन ,नेपाल
ईमेल: [email protected]
कार्यालय फोन- +९७७-५६-६९५२५४, ९८४५०५५३६५
सूचना तथा प्रसारण बिभाग दर्ता नं. ३२३४-२०७८/७९
प्रतिक्रिया दिनुहोस