![](https://www.hellochitwanonline.com/wp-content/uploads/2024/08/WhatsApp-Image-2024-07-26-at-14.54.58_adbbdc7d.jpg)
चितवन जेठ। नेपाल सरकारले कोरोना उपचारका लागि अस्पतालको स्तर छुट्टाएको छ । देशभरका २८ वटा अस्पताललाई तीन समुह बनाएर स्तर छुट्टाएको हो । सरकारले वर्गिकरण गरेको ‘क’ समुहमा भरतपुरको कोरोना विशेष (अस्थ्यायी) अस्पताल सहित १३ वटा अस्पताल रहेका छन् ।
समुह ‘क’ अस्पतालमा आइसोलेट भएर बसेमा मात्र हुने खालका बिरामीलाई राख्ने भन्ने व्यवस्था छ । त्यस्तै भरतपुर अस्पताल समुह ‘ख’ परेको छ । यस समुहमा १२ वटा अस्पताल रहेका छन् । समुह ‘ख’ अस्पतालहरुमा श्वास–प्रश्वासमा गम्भीर समस्या भई भेन्टिलेटरमा राख्नुपर्ने खालका बिरामीको उपचार गर्ने व्यवस्था रहेको छ । यो समुहमा अस्पतालमा आईसीयू, भेन्टिलेटरसहितको आइसोलेसन समेत रहेका छन् ।
समुह ‘ग’ देशभर ३ वटा रहेका छन् । यी समुहका अस्पतालमा शल्यक्रिया गर्नुपर्ने कोरोना संक्रमितजस्तै हातखु्टटा भाच्चिएको, ब्रेनमा समस्या रहेको, मुटुमा समस्या रहेको, गर्भवर्ती लगायतका विशेषज्ञ सेवा चाहिने कोरोना संक्रमितहरुको उपचार गर्न मिल्ने व्यवस्था गरिएको छ ।यो समुहमा बी.पी.कोईराला प्रतिष्ठान धरान, त्रिवि शिक्षण अस्पताल महाराजगञ्ज, नेपालगञ्ज मेडिकल कजेल कोहलपुर रहेका छन् ।
याशासी मिडिया हाउस प्रा.लि.
भरतपुर - १० चितवन ,नेपाल
ईमेल: [email protected]
कार्यालय फोन- +९७७-५६-६९५२५४, ९८४५०५५३६५
सूचना तथा प्रसारण बिभाग दर्ता नं. ३२३४-२०७८/७९
प्रतिक्रिया दिनुहोस