वर्ल्डलिंकको ‘सज्जन राज वैद्यः एकादेशमा नेपाल टुर २०२४’, क्याम्पाचौरबाट सुरुवात

इन्टरनेट प्रदायक संस्था वर्ल्डलिंकले गर्वका साथ ‘सज्जन राज वैद्यः एकादेशमा नेपाल टुर २०२४’ को आयोजना गर्ने भएको छ। नेपालभर हुन लागिरहेको यो सांगीतिक यात्रामा चर्चित गायक तथा गीतकार सज्जन राज वैद्यले आफ्नो उत्कृष्ट प्रस्तुतिहरू दिनेछन्। यो यात्रा असोज २४ गते (अक्टोबर १०) देखि चितवनको क्याम्पाचौरबाट सुरु हुनेछ।
सज्जन राज वैद्य हालका सफल र श्रोताहरुका प्रिय संगीतकर्मीमध्ये एक हुन्। ‘हवाइजहाज’, ‘चिट्ठी भित्र’, ‘मायालु’, ‘सस्तो मुटु’ जस्ता उनका गीतहरू नेपाली युवा पुस्तामा अत्यधिक चर्चित छन् । नेपाली संगीतलाई अन्तर्राष्ट्रिय स्तरमा समेत परिचित गराउँदै आएका सज्जनका गीतहरूले उनलाई समकालीन नेपाली संगीतको आइकन बनाइसकेका छन्। यो टुर सज्जनको पहिलो आधिकारिक नेपाल टुर हो, जसले उनीप्रति रहेको अपार प्रेम र समर्थनलाई झल्काउँछ।
वर्ल्डलिंकले यस टुरलाई प्रायोजन गर्दै सज्जन जस्ता ठूला कलाकारहरूलाई अझ उच्च सफलतामा पुर्‍याउने प्रयास गरिरहेको छ। वर्ल्डलिंकको उद्देश्य आफ्ना दर्शकहरूसँग नजिकबाट जोडिनुका साथै नेपाली संगीतको विकास र विस्तारलाई प्रवर्धन गर्नु भएकाले यो कार्यक्रम गरिएको हो।
यस ‘सज्जन राज वैद्यः एकादेशमा नेपाल टुर २०२४’ का टिकटहरू खल्ती एपमार्फत खरीद गर्न सकिनेछ। साथै, वर्ल्डलिंक प्रयोगकर्ताहरूका लागि विशेष अवसर समेत रहेको छ। वर्ल्डलिंकको फेसबुक पेजमा रहेको सम्बन्धित पोस्टमा कमेन्ट गरि, १० भाग्यशाली व्यक्तिहरूले भीभीआइपी टिकट जित्न सक्नेछन्। यी विजेताहरूले वर्ल्डलिंकद्वारा कार्यक्रम स्थानमा राखिएको भीभीआइपी बक्सबाट कार्यक्रमको मज्जा लिन पाउनेछन्, जुन एकदमै विशिष्ट अनुभव हुनेछ।

यस ‘सज्जन राज वैद्यः एकादेशमा नेपाल टुर २०२४’, Arbitrary Events र MN Productions द्वारा आयोजना गरिएको हो ।
यस सांगीतिक यात्राका अन्य कार्यक्रमहरू कात्तिक ३ (अक्टोबर १९) मा बुटवल, कात्तिक १६ (नोभेम्बर १) मा पोखरा, कात्तिक २४ (नोभेम्बर ९) मा इटहरी, र मंसिर १ (नोभेम्बर १६) मा काठमाडौँमा आयोजना हुनेछन्।