चितवन, मंसिर ०९-
भरतपुर महानगरपालिका–१२ मिलनचोकस्थित कल्भर्टमा दुई वटा जुटको बोराभित्र भेटिएको महिला र पुरुषको पहिचान गर्न जिल्ला प्रहरी कार्यालय चितवनले आग्रह गरेको छ । प्रहरीले केही फोटोहरु पनि सार्वजनिक गरेको छ ।
शव फेला परेको सम्बन्धमा ७७ वटै जिल्लामा हुलिया परिपत्र गर्दा समेत हाल सम्म सनाखत हुन नसकेको हुँदा निज मृतकको शरिरमा रहेका चिजबस्तु, चिन्ह तथा कपडाहरुबाट सनाखत हुन सक्ने हुँदा भन्दै सार्वजनिक गरेको हो । सो चिजबस्तु, चिन्ह तथा कपडाको फोटो हेरी चिन्नुहुने जो कोहिले नजिकको प्रहरी कार्यालय तथा यस कार्यालयको फोन ९८५५०९०१३३ मा फोन सम्पर्क गरी अनुसन्धानमा सहयोग गर्न प्रहरीले अनुरोध गरेको छ । गत बुधवार महिला र पुरुषको शव भरतपुरको मिलनचोकमा बोराभित्र बाधेर फालेको अवस्थामा फेला परेको थियो । प्रहरीले छिमेकी देश भारतलाई समेत शव पहिचानको लागि अनुरोध गरेको छ ।
याशासी मिडिया हाउस प्रा.लि.
भरतपुर - १० चितवन ,नेपाल
ईमेल: [email protected]
कार्यालय फोन- +९७७-५६-६९५२५४, ९८४५०५५३६५
सूचना तथा प्रसारण बिभाग दर्ता नं. ३२३४-२०७८/७९
प्रतिक्रिया दिनुहोस