काभ्रेको बेथानचोक गाउँपालिकाले आज शोक विदा दिने निर्णय गरेको छ । मंगलबार साँझ भएको बस दुर्घटनामा परि मृत्यु भएकाहरूप्रति दःख व्यक्त गर्दै र घाइतेहरूप्रति शिघ्र स्वास्थ्य लाभको कामना गर्दै गाउँपालिकाले शोक विदा दिने निर्णय गरेको हो ।
गाउँपालिकाका अध्यक्ष भगवान अधिकारीले सूचना जारी गर्दै शोक विदा दिने जनाएका छन् । सम्पूर्ण दिवंगत आत्माको चिर शान्तिको कामनासहित घाईतहरूको शिघ्र स्वास्थ्य लाभको कामनाको लागि शोक विदा दिएको अधिकारीले जानकारी दिए । गाउँपालिका भित्रको सरकारी कार्यालयहरू, सरकारी गैरसरकारी संघ/संस्थाहरू र विद्यालयहरूलाई शोक व्यक्त गर्दै विदा दिन भनिएको छ ।
हिजो मंगलबार साँझ बेथानचोक–५ च्याल्टीमा ब्रतबन्धमा सहभागी भई बनेपातर्फ आउँदै गरेको बा३ख ४३८५ नम्बरको यात्रुाबाहक बस बेथानचोक–४ चलाल गणेशस्थानमा दुर्घटना भएको थियो ।
दुर्घटनामा परि १७ जनाको मृत्यु भएको छ भने २२ जना घाइते भएका छन् । मृतकहरूमध्ये १३ जनाको सनाखत भईसकेको छ । ४ जनाको सनाखत हुन बाँकी छ । घाइतेहरूको अस्पतालमा उपचार भईरहेको छ ।
याशासी मिडिया हाउस प्रा.लि.
भरतपुर - १० चितवन ,नेपाल
ईमेल: [email protected]
कार्यालय फोन- +९७७-५६-६९५२५४, ९८४५०५५३६५
सूचना तथा प्रसारण बिभाग दर्ता नं. ३२३४-२०७८/७९
प्रतिक्रिया दिनुहोस