![](https://www.hellochitwanonline.com/wp-content/uploads/2024/08/WhatsApp-Image-2024-07-26-at-14.54.58_adbbdc7d.jpg)
जेठ, ललितपुर । ललितपुरमा शनिबार गरिएको कोरोना परिक्षणमा ४ जनाको आरडीटी रिपोर्ट पोजेटिभ आएको छ । महांकाल गाउँपालिकामा १ सय ३८ जनामा आरडिटी र ६१ जनामा पिसिआर परिक्षण गरिएको छ । आरडीटीमा २ जनाको रिपोर्ट पोजेटिभ आएको जिल्ला जनस्वास्थ्य कार्यालय ललितपुरका प्रमुख खगेश्वर गेलालले बताउनुभयो । उनीहरु २८, ३२ वर्षका तरकारी व्यवसायी हुन् ।
यस्तै शनिवार नै ललितपुर महानगरपालिकामा पनि कोरोना परिक्षण गरिएको छ । महानगरपालिकामा आरडिटीबाट ११९ र पिसिआरबाट २११ को परीक्षण गरिएको स्वास्थ्य शाखा संयोजक देवी गुरुङले बताउनुभयो । आरडिटी पोजेटिभ देखिएका ४८ र ५० वर्षिय महिलालाई पाटन अस्पताल पठाइएको छ । महानगरले आज बाहिरबाट आएर वडामा सम्पर्क भएका सेल्फ क्वारेन्टाइन बसेका र जोखिमयुक्त क्षेत्रमा काम गरेका तथा अधिक जनसम्पर्कमा रहेकाहरुको परिक्षण गरिएको जिल्ला जनस्वास्थ्य कार्यालय प्रमुख गेलालले बताउनुभयो ।
यस अघि शुक्रबार कोन्ज्योसोम गाउँपालिकामा परिक्षण गर्दा २ जनामा आरडीटी रिपोर्ट पोजेटिभ आएको थियो । जिल्ला जनस्वास्थ्य कार्यालयका अनुसार गोदावरी नगरपालिकामा आइतबार कोरोना परिक्षण हुने कार्यक्रम रहेको छ ।@khabar chakra
याशासी मिडिया हाउस प्रा.लि.
भरतपुर - १० चितवन ,नेपाल
ईमेल: [email protected]
कार्यालय फोन- +९७७-५६-६९५२५४, ९८४५०५५३६५
सूचना तथा प्रसारण बिभाग दर्ता नं. ३२३४-२०७८/७९
प्रतिक्रिया दिनुहोस