![](https://www.hellochitwanonline.com/wp-content/uploads/2024/08/WhatsApp-Image-2024-07-26-at-14.54.58_adbbdc7d.jpg)
काठमाडौँ – नेपालमा कोरोना भाइरस संक्रमितको संख्या २५० पुगेको छ । बिहीबार थप सात जनामा कोरोना भाइरसको संक्रमण पुष्टि भएसँगै कुल संक्रमितको संख्या २५० पुगेको हो ।
बिहीबार बिहान दुई पटक विज्ञप्ति निकालेर स्वास्थ्य तथा जनसंख्या मन्त्रालयले थप सात संक्रमित बारे जानकारी दिएको हो ।
बिहीबार बिहानै काठमाडौँको चन्द्रागिरीका ३२ वर्षे पुरुष र कपिलवस्तुकी ६ वर्षकी बालिकामा कोरोना भाइरसको संक्रमण पुष्टि भएको थियो ।
पछिल्लोपटक सर्लाही, धनुषा र महोत्तरीका पाँचजनामा संक्रमण पुष्टि भएको हो । राष्ट्रिय जनस्वास्थ्य प्रयोगशाला टेकूमा भएको परीक्षणमा सर्लाहीको धन्कौलका ४५ वर्षे पुरुषमा कोरोना भाइरसको संक्रमण देखिएको हो ।
यस्तै धनुषाको जनकपुर र मिथिला नगरपालिकाका ४० वर्षे पुरुष र २० वर्षे युवती तथा महोत्तरीको जलेश्वर र वलवा नगरपालिकाका १६ र ३५ वर्षका युवामा कोरोना भाइरसको संक्रमण पुष्टि भएको स्वास्थ्य मन्त्रालयका सह–प्रवक्ता समिरकुमार अधिकारीले बताएका छन् ।
याशासी मिडिया हाउस प्रा.लि.
भरतपुर - १० चितवन ,नेपाल
ईमेल: [email protected]
कार्यालय फोन- +९७७-५६-६९५२५४, ९८४५०५५३६५
सूचना तथा प्रसारण बिभाग दर्ता नं. ३२३४-२०७८/७९
प्रतिक्रिया दिनुहोस